DEMO loftljósið -

gamalt handverk endurvakið

 

Með DEMO loftljósinu er verið að endurvekja íslenskt handverk sem var nokkuð algengt á sjötta og sjöunda áratug síðustu aldar. Það hafa ekki varðveist mörg eintök af þessum fallegu ljósum en framleiðendur DEMO loftljóssins hafa sótt innblástur í þau.

 

„Við lífguðum upp á útlitið með litum, styrktum grindina með messinghringjum og einfölduðum útfærsluna, án þess að missa sjónar á útliti fyrirmyndarinnar,“ segja framleiðendur DEMO loftljóssins, þau Dagný Elsa Einarsdóttir og Magnús Ólafsson, húsgagnasmíðameistari, en Dagný Elsa hefur lagt stund á nám í húsgagnasmíði ásamt námi við Hönnunar - og Handverksskólann.

 

Þetta er fyrsta samstarfsverkefni þeirra en bæði eru áhugafólk um varðveislu og endurvakningu á íslensku handverki og húsgögnum frá árunum 1940 til 1960 en þau voru oft hönnuð og unnin af iðnaðarmönnum. Á þessum árum ríkti mjög sérstök verkstæðismenning, aðallega í Reykjavík og á Akureyri, sem þau Dagný Elsa og Magnús telja vert að gefa gaum.

 

DEMO loftljósið er fáanlegt í ýmsum litum en einnig ólitað. Efniviðurinn er furugrind, furu-, hlyn- eða tekkspónn og messinghringir en perufesting er úr málmi. Perustæðið er hefðbundið og því úr harðplasti og fyrir að hámarki 60 watta peru. Snúran er tauklædd og fáanleg í mörgum litum, bæði einföld eða vafin.

 

DEMO loftljósið er handgert ef frá er talin hefðbundin vélavinna.

© 2012 DEMO handverk - allur réttur áskilin - gsm: 895 5752 eða 844 9259 - netfang: demohandverk@demohandverk.is